Vyzvalili hrodzienskaha žurnalista Paŭła Mažejku

Stała viadoma, što siarod vyzvalenych 11 vieraśnia jość i hrodzienski žurnalist i hramadski dziejač Pavieł Mažejka

47-hadovy Pavieł Mažejka pačynaŭ jak žurnalist hrodzienskich vydańniaŭ «Pahonia» i «Dień», supracoŭničaŭ ź BiełaPAN, TVP, drukavaŭsia ŭ Polščy i ZŠA. Stažyravaŭsia ŭ Polščy, ZŠA i Čechii.

U 2002 hodzie byŭ asudžany na «chimiju» za paklop na prezidenta i adbyŭ pakarańnie na lesapilni ŭ Žłobinie. Amnesty International pryznała jaho viaźniem sumleńnia.

Braŭ udzieł u prezidenckaj kampanii Alaksandra Milinkieviča jak pres-sakratar. Z 2007 hoda pracavaŭ na «Biełsacie» jak žurnalist i vykanaŭčy dyrektar.

Adzin z zasnavalnikaŭ knižnaj sieryi «Haradzienskaja biblijateka», arhanizoŭvaŭ histaryčnyja kanfierencyi, «Haradzienskija dyktoŭki» i kulturnuju prastoru «Centr haradskoha žyćcia» (lekcyi, vystavy, kursy movy, kancerty, dapamoha padčas pandemii).

U 2022 hodzie znoŭ zatrymany i pryznany palityčnym źniavolenym, u 2023 hodzie asudžany na 6 hadoŭ kałonii.

Kamientary da artykuła