Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?

Robiacca viadomymi ŭsio bolš proźviščaŭ palitviaźniaŭ, vyzvalenych Łukašenkam 11 vieraśnia. Siarod ich — niamała viadomych asob.

Dźmitryj Kazłoŭ

U śpisach vyzvalenych błohier Dźmitryj Kazłoŭ «Šery kot». Jon adbyvaŭ pakarańnie ŭ kałonii dla recydyvistaŭ u Mazyry.

Pavieł Vinahradaŭ

Taksama na svabodzie Pavieł Vinahradaŭ. Jon trojčy palitviazień

Halina Dzierbyš

Hrodzienskaja piensijanierka Halina Dzierbyš taksama vyzvalenaja. Jana z hrupy Mikoły Aŭtuchoviča.

Siarhiej Sparyš

U śpisie pamiłavanych Siarhiej Sparyš, paplečnik Mikoły Statkieviča.

Alaksandr Mancevič

Vyzvaleny redaktar maładziečanskaj «Rehijanalnaj haziety» Alaksandr Mancevič. Unuk biełarusa-palitviaźnia časoŭ mižvajennaj Polščy, hety vybitny 67-hadovy žurnalist admoviŭsia pryznać vinu na pracesie nad saboj, tamu prysud jamu byŭ asabliva žorstki.

Illa Dubski

Na svabodzie Illa Dubski z Asipovičaŭ.

Mikałaj Chiła

Na svabodzie jevanhielski prapaviednik Mikałaj Chiła.

Hety prapaviednik z carkvy chryścijan-baptystaŭ «Dabravieście» byŭ zatrymany ŭ 2024 hodzie i asudžany pa artykułach 361 (zakliki da zachadaŭ abmiežavalnaha charaktaru (sankcyjaŭ), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś), č. 1 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varažniečy) sudździoj Alenaj Ananič. 

KDB unios hetaha viernika ŭ «śpis terarystaŭ».

Dźmitryj Kučuk

Na svabodzie palityk Dźmitryj Kučuk, lidar Partyi zialonych.

Jaho zatrymali, kali jon prynios kvietki da ambasady Rasii ŭ Minsku, kab ušanavać pamiać zakatavanaha ŭ rasijskaj kałonii Alaksieja Navalnaha. Kučuka (na siońnia jamu 51 hod), biznesoŭca i kiraŭnika niezadoŭha da taho zabaronienaj ekałahičnaj partyi, abvinavacili pa art. 342 Kryminalnaha kodeksa: «masavyja biesparadki».

Julija Fienier

Na svabodzie Julija Fienier, žonka brytanskaha dypłamata.

Jana była asudžanaja zusim niadaŭna, maje brytanski i biełaruski pašparty.

Andrej Kryłoŭ

Vyzvaliŭsia 63-hadovy inžynier Andrej Kryłoŭ z Vaŭkavyska.

Pavieł Nikicienka

Pavieł Nikicienka pryjechaŭ na miažu z babrujskaj kałonii

Rabotnik raźlikova-daviedkavaha centra ź Viciebska atrymaŭ čatyry z pałovaj hady źniavoleńnia.

Vital Bandaruk

Siarod vyzvalenych Vital Bandaruk z Kamianieckaha rajona.

Jakaŭ Šafarenka

Jakaŭ Šafarenka z Bresta byŭ asudžany za «masavyja biesparadki». Ciapier jon na svabodzie.

Jaŭhien Siamionaŭ

Minčuk Jaŭhien Siamionaŭ siadzieŭ pa šerahu palityčnych artykułaŭ, a taksama za ŭchileńnie ad chatniaj chimii pa narkatyčnym 328 artykule.

Hleb Hładkoŭski

Hleb Hładkoŭski byŭ zatrymany ŭ Breście za kamientary pra zahinułaha kadebista. Jon viadomy arhanizatar aerazdymak kvadrakoptarami.

Śviatasłaŭ Šubič

Cviatasłaŭ Šubič byŭ u škłoŭskaj kałonii. Jon asudžany pa palityčnych artykułach, a taksama pa narkatyčnym.

Andrej Ściepańkoŭ

Andrej Ściepańkoŭ z Rahačoŭskaha rajona byŭ asudžany pa 10 palityčnych artykułach.

Andrej Chvieskaviec

Andrej Chvieskaviec ź Pinska byŭ udzielnikam paślavybarčych padziej u svaim horadzie.

9 žniŭnia 2020 hoda žychary horada vyjšli na pratest suprać falsifikacyi vybaraŭ. Jany sprabavali zaniać budynak harvykankama. Dla padaŭleńnia pratestaŭ ułady byli vymušanyja pierakinuć u horad śpiecnaz ź Minska.

Represii na Paleśsi zakranuli tysiačy ludziej, sotni atrymali doŭhija turemnyja terminy: pieravažna heta prostyja rabočyja.

Ihar Ciapciejeŭ

Ihar Ciapciejeŭ razam ź siabrami vyviesiŭ ukrainski i biełaruski nacyjalnalny ściahi paśla padryvu ŭkrainskaj raźviedkaj Krymskaha mosta.

Za heta jamu prysudzili try z pałovaj hady źniavoleńnia.

Alaksiej Silenka

Vyzvaleny architektar i barabanščyk Alaksiej Silenka.

Maksim Viniarski

U śpisach na vyzvaleńnie i viadomy aktyvist Maksim Viniarski. Ale niezrazumieła, ci jon pierajšoŭ miažu, ci zastajecca na niejtralnaj pałasie.

Kamientary da artykuła