Biełarusy buduć prajektavać mietro ŭ rasijskim Novasibirsku
Pradpryjemstva «Minskmietraprajekt» budzie hienieralnym prajekciroŭščykam budaŭnictva mietrapalitena ŭ Novasibirsku. Pra heta paviedamiła 13 vieraśnia meryja hetaha rasijskaha horada.
Stancyja «Kastryčnickaja» Novasibirskaha mietrapalitena. Fota: Wikimedia Commons
Damoŭlenaść ab supracoŭnictvie padpisali na Mižnarodnym forumie ekanamičnaha supracoŭnictva, prymierkavanym da śviatkavańnia 958-hodździa Minska. Dakumient padpisali namieśnik staršyni Minharvykankama Alaksandr Černikaŭ i pieršy namieśnik mera Navasibirska Iosif Kadałajeŭ.
Zhodna z darožnaj kartaj, supracoŭnictva raźličana na 2025—2028 hady. U adpaviednaści ź joj, z kastryčnika 2025-ha pa maj 2026-ha pavinna być padrychtavanaja i zaćvierdžanaja pieradprajektnaja dakumientacyja, a ŭ 2026—2028 hadach budzie raspracavanaja prajektnaja i pracoŭnaja dakumientacyja pa budaŭnictvie asobnych učastkaŭ mietro.
Iosif Kadałajeŭ adznačyŭ, što «Minskmietraprajekt» užo dapamahaje Navasibirsku ŭ śfiery prajektavańnia, a taksama padkreśliŭ, što Minsk padtrymlivaje jahony horad u abnaŭleńni parku kamunalnaj techniki.
Mietrapaliten u Navasibirsku byŭ adkryty ŭ studzieni 1986 hoda, praz paŭtara hoda paśla zapusku mietro ŭ Minsku. Siońnia ŭ rasijskim horadzie z nasielnictvam kala 1,6 miljona čałaviek dziejničajuć dźvie linii z 14 stancyjami. U Minsku, dzie žyvie kala 2 miljonaŭ čałaviek, pracujuć try linii mietro z 36 stancyjami.
Čytajcie taksama:
U Baranavičach mohuć pačać zborku rasijskich ciahnikoŭ
Historyja rezanansnaj zabastoŭki biełaruskaha mietro, jakaja 30 hod tamu ŭzvarjavała ŭłady
U Minsku nie buduć znosić niekatoryja damy z-za budaŭnictva treciaj linii mietro
U minskim mietro papiaredzili pra pieraboi ŭ apłacie prajezdu kartkami