Na čyhuncy ŭ rasijskaj Arłoŭskaj vobłaści ŭzarvałasia bomba
U vyniku padryvu bomby, vyjaŭlenaj na čyhuncy ŭ Arłoŭskaj vobłaści, zahinuli dva čałavieki, adzin mocna paciarpieŭ.
Fota ilustracyjnaje
«Na terytoryi Arłoŭskaj vobłaści pry praviercy čyhunačnych puciej byli znojdzienyja vybuchovyja pryłady… Pry padryvie adnoj ź ich dva čałavieki zahinuli, adzin paranieny», — paviedamiŭ hubiernatar Arłoŭskaj vobłaści Andrej Kłyčkoŭ.
Na pierahonie Małaarchanhielsk — Hłazunoŭka paśla taho stali pravodzić apieratyŭnyja mierapryjemstvy, z-za čaho ruch šerahu ciahnikoŭ zatrymali. U asnoŭnym jany kursiravali pamiž Maskvoj i Sankt-Pieciarburham dy Biełharadam i Kurskam.
Paśla vykanaŭca abaviazkaŭ hubiernatara Kurskaj vobłaści Alaksandr Chinštejn paviedamiŭ, što zahinułyja pry hetym vybuchu byli supracoŭnikami Rashvardyi. Paciarpiełych siarod pasažyraŭ ciahnikoŭ niama.