Ukrainskija plažnyja futbalisty admovilisia hulać ź Biełaruśsiu. Tamu Biełaruś stanovicca bronzavym pryzioram Supierfinału Jeŭralihi
Mužčynskaja zbornaja Biełarusi pa plažnym futbole stanie bronzavym pryzioram Supierfinału Jeŭralihi — 2025, nie vychodziačy na pole. U pajadynku za treciaje miesca biełarusy musili sustrecca sa zbornaj Ukrainy. Ale sapiernik vyrašyŭ bajkatavać matč.
Fota: beachsoccer.org.ua
«Sapiernikam zbornaj Ukrainy ŭ matčy za 3-je miesca pavinna stać kamanda, jakaja pradstaŭlaje krainu z samaabvieščanym prezidentam (hetaja kamanda prajhrała Ispanii ź likam 3:6 u inšym paŭfinale). Adnak zbornaja Ukrainy budzie bajkatavać hety matč, bo Biełaruś — pieška terarystyčnaj krainy», — paviedamiła pres-słužba asacyjacyi plažnaha futboła Ukrainy.
Takim čynam, ukraincy zajmajuć 4-je miesca ŭ Jeŭralizie-2025.
U finalnym matčy hałoŭny trafiej budzie razyhrany pamiž Italijaj i Ispanijaj.