U milicyi raskazali pra novy vid machlarstva
U Minsku zafiksavany vypadki, kali ŭładalniki bankaŭskich kartak nienaŭmysna stanoviacca tak zvanymi dropami.
Praź ich rachunki złačyncy pieravodziać hrošy, skradzienyja ŭ inšych hramadzian. Heta moža adbycca pry karystańni nieaficyjnaj płaciežnaj sistemaj, jakaja rekłamujecca ŭ sacyjalnych sietkach: paviedamlaje pres-słužba MUS.
Sajt prapanuje pieravody biez kamisij, adnak na praktycy nie adpraŭlaje hrošy adrasatu i paviedamlaje pra pamyłku. Dla viartańnia srodkaŭ «słužba padtrymki» patrabuje aformić dadatkovuju bankaŭskuju kartku.
Atrymaŭšy rekvizity novaha «płastyka», machlary vykarystoŭvajuć jaho dla vyvadu hrašovych srodkaŭ, vykradzienych u inšych hramadzian pa inšych schiemach padmanu, u tym liku pad padstavaj dekłaravańnia.
Kali vy patrapili ŭ padobnuju situacyju abo zaŭvažyli na svaim rachunku sieryju niezvyčajnych zaličeńniaŭ i śpisańniaŭ na roznyja sumy — nieadkładna paviedamicie pra heta ŭ milicyju.