Afierysta z Tinder, pra jakoha Netflix źniaŭ dakumientalny film, zatrymali ŭ Hruzii
U aeraporcie Batumi byŭ zatrymany 35-hadovy hramadzianin Izraila Sajmon Levajeŭ (sapraŭdnaje imia — Šymon Chajut), jaki znachodziŭsia ŭ mižnarodnym vyšuku pavodle linii Interpała.
Zatrymańnie praviali hruzinskija pravaachoŭniki. Levajeŭ abvinavačvajecca ŭ cełym šerahu machlarstvaŭ, u tym liku ŭ machlarskich dziejańniach u dačynieńni da žančyn, ź jakimi jon znajomiŭsia praz Tinder.
Jon pradstaŭlaŭsia spadkajemcam ałmaznaha mahnata, vyklikaŭ davier i z dapamohaj roznych schiem vymańvaŭ u žančyn vialikija sumy hrošaj.
Z ulikam maštabu machlarstva Netflix u 2022 hodzie źniaŭ pra jaho dakumientalny film pad nazvaj «Afieryst z Tinder». U im raspaviadajecca pra realnyja kryminalnyja spravy, zaviedzienyja suprać Chajuta, i pra žančyn, jakija stali jaho achviarami.
Pavodle acenak, ahulnaja suma škody skłała kala 10 miljonaŭ dołaraŭ.
Niahledziačy na viadomaść, Levajeŭ praciahvaŭ vieści aktyŭnaje žyćcio ŭ sacsietkach. Što budzie dalej — u tym liku pytańnie ekstradycyi — pakul nie paviedamlajecca.