«Štrafy «fizikam», a sielsaviety — «heta druhoje». Ludzi aburylisia, što dziažpradpryjemstvy nie štrafujuć za pustazielle

U Biełarusi ŭviali štrafy za pustazielle, u tym liku za invaziŭnuju raślinu sumnik. Pavodle Kodeksa ab administracyjnych pravaparušeńniach (art. 24.1 KaAP RB), štrafy za ihnaravańnie mier pa baraćbie z hetaj raślinaj składajuć ad 20 da 300 bazavych vieličyń. Čynoŭniki asabliva kantralujuć pryvatnyja ŭčastki i terytoryi vakoł ich, ale prablema ŭ tym, što da siabie ŭ ich patrabavańni kudy mienš strohija, zaŭvažyła BG.Media.

Zaraśniki sumnika kanadskaha. Zdymak ilustracyjny. Fota: slushna.by

U toj ža čas žychar Bresta źviarnuŭ uvahu na prablemu: na terytoryi dziaržaŭnaha pradpryjemstva, uzdoŭž linii elektrapieradač, raście vialikaja kolkaść sumnika, jaki nichto nie vykošvaje. Pa słovach miascovaha žychara, mienavita z hetaj terytoryi nasieńnie raźlatajecca na pryvatnyja ŭčastki, paśla čaho ich uładalniki vymušanyja zmahacca z pustaziellem pad pahrozaj štrafu.

@paaladin Počiemu častnyje lica vładiejuŝije ziemloj vynuždieny płatiť štrafy za zołotarnik na ich učastkach, a hosudarstviennyje učrieždienija s tierritorij kotorych každyj hod siemiena zanosiatsia na častnyje dvory - zakryvajut zajavku na vykos s formulirovkoj "tierritorija nie nachoditsia na obsłuživanii priedprijatija"? Chotia obiazannosť błahoustrojstva i sodieržanija ochrannych zon vdol ŁEP ležit imienno na ziemlepolzovatiele. #Biełaruś #Zołotarnik #Briest #priroda #štraf ♬ orihinalnyj zvuk - Pavel Semenov

Mužčyna nakiravaŭ skarhu praz partał 115.bieł, ale jaje nie zadavolili. Sa skrynšotaŭ vidać, što zajaŭku niekalki razoŭ zakryvali. Brescki rajon elektryčnych sietak (RES) patłumačyŭ, što terytoryja z pustaziellem «nie znachodzicca na absłuhoŭvańni pradpryjemstva». U vyniku pryvatnyja ŭładalniki akazalisia adzinymi, chto niasie adkaznaść za ŭparadkavańnie terytoryj uzdoŭž ŁEP.

Heta vyklikaje abureńnie ŭ kamientataraŭ. Ludzi adznačajuć, što štrafy dziejničajuć tolki dla «fizikaŭ», a sielsaviety i dziaržaŭnyja struktury faktyčna vyzvaleny ad adkaznaści. Chtości navat žartam zaŭvažyŭ, što «chutka buduć štrafavać za tryputnik i dźmuchaŭcy».

Kamientary da artykuła