Chrenin palacieŭ na vučeńni ŭ Rasiju
Ministr abarony Viktar Chrenin nakiravaŭsia ŭ Rasijiu dla ŭdziełu ŭ nazirańni za aktyŭnaj fazaj sumiesnych vučeńniaŭ «Zachad-2025», paviedamiła biełaruskaje vajskovaje viedamstva.
Viktar Chrenin. Skrynšot STB
Vizit prachodzić u miežach vajenna-techničnaha supracoŭnictva pamiž Biełaruśsiu i Rasijaj i demanstruje prychilnaść abiedźviuch krain da ŭmacavańnia rehijanalnaj biaśpieki, adznačyli ŭ Minbarony.
Na adnym z palihonaŭ Rasijskaj Fiederacyi Viktar Chrenin aznajomicca z chodam praktyčnych dziejańniaŭ sajuznych vojskaŭ, acenić uzrovień padrychtoŭki asabovaha składu i efiektyŭnaść prymianieńnia ŭzbrajeńniaŭ i vajennaj techniki.
Asobaja ŭvaha budzie nadadziena zładžanaści dziejańniaŭ roznych rodaŭ vojskaŭ i orhanaŭ kiravańnia va ŭmovach, maksimalna nabližanych da bajavych.
Siońnia — apošni dzień vučeńniaŭ.