Minabarony: Na vučeńniach «Zachad-2025» adpracavanyja ŭsie pastaŭlenyja zadačy
Siarod mierapryjemstvaŭ načalnik Hienštaba Pavieł Muraviejka nazvaŭ płanavańnie i razhlad užyvańnia niestratehičnaj jadziernaj zbroi, acenku razhortvańnia rakietnaha mabilnaha kompleksu «Arešnik».
Fota: BiełTA
Na vučeńniach «Zachad-2025» adpracavany ŭsie pastaŭlenyja zadačy. Pra heta zajaviŭ načalnik Hienieralnaha štaba — pieršy namieśnik ministra abarony Pavieł Muraviejka, piša BiełTA.
«My adpracavali ŭsie zadačy, jakija stavili pierad saboj. Siarod znakavych mierapryjemstvaŭ mahu adznačyć płanavańnie i razhlad užyvańnia niestratehičnaj jadziernaj zbroi, acenku i razhortvańnia rakietnaha mabilnaha kompleksu «Arešnik». My šmat vykarystoŭvali bieśpiłotnyja latalnyja aparaty ŭ roznych varyjantach. Akramia taho, razhledzieli ceły kompleks hibrydnych sučasnych pryjomaŭ, što prymianiajucca pry viadzieńni bajavych dziejańniaŭ u nasielenych punktach, u lasista-bałotnaj i urbanizavanaj miascovaści. Našy rasijskija kalehi padzialilisia z nami bajavym dośviedam, što dazvalaje skazać: našy padraździaleńni siońnia atrymlivajuć samuju sučasnuju, samuju daskanałuju infarmacyju, jakaja aŭtamatyčna ŭkaraniajecca ŭ bajavuju realnaść,» — skazaŭ Pavieł Muraviejka.