Kapitalny ramont mosta na Maskoŭskaj u Minsku źmienić niekatoryja maršruty tramvajaŭ
U suviazi z kapitalnym ramontam i madernizacyjaj puciepravoda z vulicy Maskoŭskaj na płošču Niezaležnaści ŭ Minsku časova źmienicca schiema ruchu niekatorych tramvajnych maršrutaŭ. Źmieny ŭvodziacca 20—21 vieraśnia i 27—28 vieraśnia.
U hetyja dni tramvaj №1 budzie kursiravać tolki ad kaniečnaj stancyi «Zialony Łuh» da prypynku «Źmitraka Biaduli», a maršrut №4 budzie abmiežavany ŭčastkam ad DS «Voziera» da «Źmitraka Biaduli».
Dla zručnaści pasažyraŭ uvodzicca časovy kampiensacyjny aŭtobusny maršrut №901 «Vakzał — Źmitraka Biaduli».
Uładalniki prajaznych dakumientaŭ abo biletaŭ na tramvaj zmohuć biaspłatna karystacca aŭtobusam №901 i naadvarot.