Machlary stali zvanić ludziam ad imia słužby padtrymki 115.bieł

Apošnim časam pavialičyłasia kolkaść telefonnych zvankoŭ ad ašukancaŭ, jakija pradstaŭlajucca supracoŭnikami kantakt-centra «Maja Respublika: 115.BIEŁ». Pra heta paviedamili ŭ centry infarmacyjnych technałohij Minharvykankama, piša ahienctva «Minsk-Naviny».

Nateła Abrazcova, śpiecyjalistka pa rekłamnych kamunikacyjach Centra infarmacyjnych technałohij, padkreśliła, što kab nie stać achviaraj hetych machlaroŭ, važna pamiatać pra hetyja rečy:

• Sapraŭdnyja supracoŭniki 115.bieł nie telefanujuć i nie pišuć u miesiendžary, kab zapytać jakija-niebudź kody.
• SMS-kody, jakija prychodziać u paviedamleńniach, pryznačanyja tolki dla asabistaj rehistracyi ŭ mabilnym dadatku «Maja Respublika: 115.bieł». Navat kali čałaviek telefanuje vielmi pierakanaŭča, nazyvaje imia ci inšyja asabistyja danyja, nielha pieradavać jamu SMS-kody.
• Adzinaja meta telefanavańnia sapraŭdnych supracoŭnikaŭ 115.bieł — daviedacca, ci zadavolenyja žychary damoŭ jakaściu absłuhoŭvańnia paśla padačy zajaŭki.

Kamientary da artykuła