Para z-pad Smalavičaŭ rehularna piła bienzin, zamianiajučy im ałkahol
Heta pryviało da latalnaha vyniku.
U milicyju źviarnuŭsia małady čałaviek, jaki raskazaŭ, što na vierandzie doma ŭ Smalavickim rajonie biez prykmiet žyćcia znojdziena 63‑hadovaja žančyna. Pobač ź joj była adkrytaja butelka ź bienzinam.
Chłopiec patłumačyŭ, što jaho baćka i zahinułaja byli sužycielami i pieryjadyčna z metaj dasiahnieńnia stanu apjanieńnia ŭžyvali bienzin.
Dla ŭstanaŭleńnia pryčyny śmierci śledčym pryznačana sudova-miedycynskaja ekśpiertyza. Pa jaje vynikach sudovymi ekśpiertami ŭstanoŭlena, što śmierć žančyny nastupiła ad vostraha atručvańnia latučymi arhaničnymi złučeńniami kampanientaŭ bienzinu.
Ich kancentracyja va ŭnutranych orhanach pamierłaj u siarednim pieravyšała śmiarotnuju dozu bolš čym u 90 razoŭ.