Ukrainski futbalist, adchileny ad futbołu z-za dopinhu, źbirajecca paŭdzielničać u budučaj Alimpijadzie ŭ inšaj ipastasi
Hulec nacyjanalnaj zbornaj Ukrainy i łondanskaha «Čełsi» Michaił Mudryk choča pasprabavać siabie ŭ roli spryntara, piša «Ukrainskaja praŭda» sa spasyłkaj na ispanskuju Marca.
Fota: FK «Čełsi»
Mudryk płanuje kvalifikavacca na Alimpijskija hulni-2028 u roli lohkaatleta-spryntara. Kab vystupić u Łos-Andželesie, Michajłu nieabchodna prajści adbor.
Krynicy Marca nie paviedamlajuć, na jakoj dystancyi budzie vystupać ukrainiec. Adnak adznačajecca, što ŭ APŁ Mudryk demanstravaŭ chutkasnyja pakazčyki na ŭzroŭni 36,67 km/h.
Nahadajem, Mudryk dałučyŭsia da «Čełsi» ŭ studzieni 2023 hoda za 70 młn jeŭra i pravioŭ 73 matčy za kłub. U śniežni 2024‑ha jon byŭ časova adchileny paśla stanoŭčaha testu na zabaronienaje rečyva, a ŭ červieni 2025‑ha aficyjna atrymaŭ abvinavačańnie. Jaho mohuć adchilić ad futbołu na termin da čatyroch hadoŭ.