Na darohach źjavicca novy znak dla kiroŭcaŭ
U Minskaj vobłaści vybrany 21 učastak, dzie darohu buduć kantralavać drony.
Fota: DAI Minskaj vobłaści
Na trasach Minskaj vobłaści źjavicca novaja infarmacyjnaja šylda — «Videakantrol BPŁA». Pra heta paviedamlaje abłasnaja DAI.
Supracoŭniki DAI pravieryli, dzie kiroŭcy čaściej pieravyšajuć chutkaść, i vyznačyli patencyjna niebiaśpiečnyja miescy. Vybrany 21 učastak na aŭtamabilnych darohach, dzie płanujuć infarmavać kiroŭcaŭ, što za imi mohuć nazirać drony.
Drony buduć adsočvajuć abhony, pierasiačeńni sucelnaj linii i inšyja manieŭry.
Znak supravadžajecca tabličkaj: videanazirańnie viadziecca na praciahu 600 mietraŭ. Učastki darohi, jakija abrany, — z dvajnoj sucelnaj, pavarotami i pierachodami.
DAI tłumačyć, što, navat kali kvadrakoptara niama ŭ pavietry, znak dziejničaje previentyŭna i źnižaje ryzyku parušeńniaŭ.