Najlepšy hulec matča treciaha dyvizijona atrymaŭ u padarunak viadro žuravin
Najlepšy hulec matča 3‑ha tura druhoj lihi futbolnaha čempijanatu (treci dyvizijon) u składzie «Mioraŭ» Dźmitryj Vaškiel atrymaŭ u jakaści pryza viadro žuravin.
Fota: FK «Miory»
Paŭabaronca adyhraŭ uvieś pajadynak z dublujučym składam «Tarpieda-BiełAZ», a jaho kamanda sastupiła ź likam 1:5, piša «Biełaruski futboł».
«Miory» ŭ svajoj hrupie zajmajuć pieradapošniaje miesca.
Viadro jahad padaryli tamu, što Miorski rajon — kraj žuravin.
A voś futbalistu «Tarpieda-BIEŁAZ» padaryli ŭpakoŭku šampijońjonaŭ, jany suhučnyja sa słovam «čempijony», a reziervisty žodzincaŭ lidzirujuć u svajoj padhrupie i pretendujuć na vychad u Pieršuju lihu.