Zialenski sustreŭsia ŭ Ńju-Jorku z prezidentam Kazachstana
Prezident Ukrainy prybyŭ u Ńju-Jork dla ŭdziełu ŭ mierapryjemstvach z nahody 80‑j siesii Hienieralnaj Asamblei AAN, dzie pravioŭ sustreču z prezidentam Kazachstana Kasymam-Žamartam Takajevym.
Fota: president.gov.ua
Kiraŭnik ukrainskaj dziaržavy padziakavaŭ za padtrymku suvierenitetu i terytaryjalnaj cełasnaści Ukrainy. Jon padkreśliŭ, što zaraz klučavoje zadańnie — dasiahnieńnie spraviadlivaha i tryvałaha miru z nadziejnymi harantyjami biaśpieki, paviedamlaje jaho pres-słužba.
Uładzimir Zialenski čarhovy raz paćvierdziŭ, što Ukraina hatovaja da sustrečy na ŭzroŭni lidaraŭ, bo mienavita hety farmat źjaŭlajecca najbolš efiektyŭnym. Adnak Rasija i dalej vystaŭlaje ŭmovy i robić usio, kab sapraŭdnyja pieramovy nie adbylisia, havorycca ŭ paviedamleńni pres-słužby.