U žychara Mahilova kanfiskavali dziŭnuju kustarnuju zbroju
Supracoŭniki 11‑ha ŭpraŭleńnia HUBAZiKa znajšli ŭ 62‑hadovaha vyjavili dva pradmiety, padobnyja na zbroju. Ich kanfiskavali i nakiravali na sudovuju balistyčnuju ekśpiertyzu, paviedamlaje Dziaržkamitet sudovych ekśpiertyz.
Vyśvietliłasia, što heta — mietaličnyja pradmiety, što składajucca ź dźviuch častak, z patronam i spružynnym miechanizmam, u adnym ź ich majecca draŭlanaja asnova.
Zhodna z vynikami ekśpiertyz, pradmiety vyrableny pa typu atypovaj stralajučaj pryłady — stralajučaj asadki.
Jany prydatnyja dla strełaŭ małakalibiernymi spartyŭna-palaŭničymi patronami i źjaŭlajucca atypovaj ručnoj karotkarulnaj hładkarulnaj ahniastrelnaj zbrojaj.
Kanstruktyŭnyja asablivaści, adsutnaść klejmaŭ i markirovačnych abaznačeńniaŭ u sukupnaści ź inšymi prykmietami dazvolili sudovamu ekśpiertu zrabić vysnovu, što zbroja vyrablena samarobnym sposabam.
Daśledavalisia taksama dva patrony — jany vyrableny zavodskim sposabam i źjaŭlajucca bojeprypasami da ručnoj naraznoj ahniastrelnaj zbroi. Adzin z patronaŭ akazaŭsia prydatnym dla stralby.