U baranavickim SIZA novy načalnik

Papiaredniaha kiraŭnika pieraviali ŭ Minsk, Jaŭhien Chitryk uznačaliŭ SIZA №1 u Kaladzičach.

Anatol Akudovič źleva. Fota: Naš kraj

Načalnikam SIZA №6 u Baranavičach staŭ 48‑hadovy padpałkoŭnik Anatol Akudovič. Raniej jon byŭ namieśnikam načalnika ŭpraŭleńnia Departamienta vykanańnia pakarańniaŭ pa Bresckaj vobłaści, a jašče pierad tym — namieśnikam načalnika kałonii №11 u Vaŭkavysku.

@nashanivanews U baranavickim SIZA novy načalnik, 48‑hadovy padpałkoŭnik Anatol Akudovič. Papiaredniaha načalnika, Jaŭhiena Chitryka, pieraviali z Baranavičaŭ u Minsk, kiravać SIZA №1 u Kaladzičach #biełaruś #našaniva #mova #baranovičibiełaruś #baranoviči ♬ Crime Scene - Avery Alexander

Admietna, što Akudovič jak staŭ padpałkoŭnikam 14 hadoŭ tamu, tak i zavis z hetym zvańniem.

Jaho baćka — taksama Anatol Akudovič — byŭ vajskoŭcam, doŭhi čas pracavaŭ vajenkamam Vaŭkavyskaha rajona.

U baranavickim SIZA ŭtrymlivajuć miascovych aryštavanych, a taksama tych, chto čakaje apielacyjnaha sudovaha razhladu pierad raźmierkavańniem u kałoniju №22 pad Ivacevičami (Voŭčyja Nory).

Pry baranavickim SIZA jość i adzin ź niamnohich u Biełarusi aryštny dom — tam adbyvajuć pakarańnie tyja, kamu prysudzili aryšt (pakarańnie terminam da 3 miesiacaŭ).

Pasada načalnika SIZA №6 stała vakantnaj paśla taho, jak raniejšaha kiraŭnika Jaŭhiena Chitryka pryznačyli načalnikam SIZA №1 u Kaladzičach.

Kamientary da artykuła