U Oršy na mužčynu zaharełasia adzieńnie, jon pamior ad apiokaŭ
Čałavieka dastavili ŭ balnicu, ale vyratavać nie zmahli, paviedamlaje MNS.
Fota ilustracyjnaje
Dniom 25 vieraśnia ratavalniki atrymali paviedamleńnie ab tym, što ŭ kvatery adnapaviarchovaha dvuchkvaternaha žyłoha doma ŭ Oršy pa vulicy Novadubravienskaj na 57‑hadovym mužčynu zaharełasia adzieńnie.
Ad atrymanych apiokaŭ čałaviek pamior u 00.30 26 vieraśnia ŭ balnicy. Pryčyny pažaru i hibieli vyśviatlajucca.