«Čornaja žamčužyna» sušyć viosły»: tyktok u zachapleńni ad vializnaha frehata, jaki pabudavaŭ piensijanier u Pinsku ŭ svaim aharodzie

Adnoj sa słavutaściaŭ Pinska staŭ dom-karabiel, jaki na svaim pryvatnym učastku pabudavaŭ zvyčajny piensijanier. Miž inšym, maryŭ jon pra ŭłasny frehat bolš za pałovu stahodździa!

Fota: strollstory_rb / Instagram

Nie zaŭvažyć siarod zvyčajnych adna-dvuchpaviarchovych damoŭ na vulicy 8 Sakavika ŭ Pinsku vializny karabiel prosta niemahčyma. Jaho vyšynia 6 mietraŭ, šyrynia 4,5 mietra i daŭžynia 15 mietraŭ.

@il.oven Takije tipa... prostyje, dušievnyje Znamienitaja «miečta» odnoho iz biełorusskich piensionierov, Hrihorija Kośko ️ Dom v vidie morskoho sudna vysotoj 6 mietrov, širinoj - 4,5 mietra i dlinoj około 15,5 mietrov priamo v ohorodie! Jeśli povieziet možno dažie popasť vnutŕ h. Pinsk, ulica 8 Marta, 15 Vidieli etot domik?) #pinsk#biełaruś#kudapojechaťvbiełarusi#domkorabl#domvvidiekorabla#otpusk#nieobyčnyjemiestavbiełarusi ♬ orihinalnyj zvuk - il.oven

Nie dziva, što da frehata čas ad času prychodziać tyktokiery dy jutub-błohiery. A ŭ kamientaryjach žartujuć, što heta, imavierna, «Čornaja žamčužyna» sušyć viosły ŭ čyimści aharodzie, a kapitan Džek Vierabiej niedzie pobač pje piva ŭ bary.

Fota: strollstory_rb / Instagram

Ale nasamreč karabiel maje nazvu «Mara», a historyja jaho stvareńnia ŭražvaje. Pra toje, kab mieć ułasny paruśnik, biełarus Ryhor Kaśko maryŭ jašče ŭ dziacinstvie.

Naradziŭsia jon u vioscy Krasijeva, što ŭ Pinskim rajonie. Zachaplaŭsia knižkami pra marakoŭ dy pirataŭ, chacieŭ, jak i jany, raśsiakać marskija chvali. U adnym ź intervju mužčyna pryznavaŭsia, što ŭžo va ŭzroście 10 hadoŭ vyrašyŭ: karabiel u jaho abaviazkova budzie.

Ryhor Kaśko. Skrynšot videa na YouTube-kanale TRK «Pinsk»

U maładości Ryhor paśpieŭ papracavać u viaskovaj biblijatecy — čytaŭ usio, što było pra paruśniki. Kali nadyšoŭ čas słužyć u armii, sam paprasiŭsia na fłot. U vyniku try hady płavaŭ na padvodnaj łodcy.

Paśla słužby abraŭ dla siabie mienš ramantyčny šlach — staŭ piečnikom. A dalej, jak časta byvaje, zasmaktaŭ pobyt: ažaniŭsia, u siamji naradziłasia piaciora dziaciej… Nu jakija tut karabli?! Ale schavanaja ŭ daloki kutočak serca mara nikudy nie padziełasia.

Realizoŭvać zadumu Ryhor pačaŭ, kali pajšoŭ na piensiju. Teoryju karablebudavańnia jon viedaŭ, rukami pracavaŭ usio žyćcio… Dy i materyjały dla svajho budučaha frehata źbiraŭ kala 30 hadoŭ! Darečy, jaho baćka vielmi padtrymlivaŭ maru syna i taksama źbiraŭ toje, što mahło b spatrebicca pry budaŭnictvie frehata.

View this post on Instagram

A post shared by Anna Rybko (@anna_rybko)

Krychu ličbaŭ: na spravu pajšło kala kiłamietru trosaŭ i 200 mietraŭ kanataŭ. Kanaty tut sapraŭdnyja, ich raniej vykarystoŭvali na karablach. A dla stvareńnia šmatlikich pradmietaŭ dekoru majstar vykarystoŭvaŭ padručnyja materyjały: pienapłast, viełasipiednyja šyny i navat detali staroj šviejnaj mašynki.

Fota: media-polesye.com

Usie čarciažy karabla i raźmiaščeńnie ŭ im łakacyj Ryhor rabiŭ samastojna. U intervju miascovamu telebačańniu «Pinsk» piensijanier raspaviadaŭ, što niejkija idei jamu navat śnilisia pa načach, i tady jon padskokvaŭ, kab terminova ŭsio zamalavać. Praces budaŭnictva zaniaŭ čatyry hady (z ulikam taho, što na hety čas prypała chvaroba i apieracyja). Ryhor ščyra dadaŭ, što i natchnieńnie ŭsio ž nie kožny dzień było.

Fota: media-polesye.com

Asnoŭnuju pracu mužčyna rabiŭ sam — kaža, zrabić ścieny krychu dapamahli byłyja adnakłaśniki, a dzieci dapamahali pastavić mačty.

Jość roznyja łakacyi. Naprykład, pieršy pavierch — heta byccam by častka karabla, jaki patanuŭ: tut karały, delfiny i navat škilet pirata. A ŭ kajut-kampanii možna pabačyć kufar sa skarbami.

Fota: media-polesye.com

U kamientaryjach u tyktoku pišuć, što tvorčy praces nie spyniajecca, Ryhor uvieś čas niešta robić na svaim karabli. Kažuć, što haspadara možna paprasić pakazać svoj šedeŭr.

Kamientary da artykuła