«Uładzimir Uładzimiravič ničoha nie chavaje ad mianie». Łukašenka ŭ Maskvie demanstravaŭ davierlivyja adnosiny z Pucinym

Alaksandr Łukašenka raskazaŭ prapahandystam, što razam z Pucinym zasłuchaŭ dakład Hienštaba Rasii pra situacyju na froncie i pachvaliŭsia, što Pucin nibyta ničoha ad jaho nie chavaje. Telehram-kanał «Puł piervoho», raskazvajučy pra heta, supravadziŭ infarmacyju fotami, jak Łukašenka staić u vuzkim kalidory Kramla.

Paviedamlajecca, što Pucin i Łukašenka damovilisia taksama pra canu na haz dla Biełarusi na nastupnyja piać hadoŭ.

Adkazvajučy na pytańni, Alaksandr Łukašenka zaklikaŭ Kijeŭ «spynicca, inakš jany straciać usiu Ukrainu».

Raniej «pracoŭny śniadanak» Pucina i Łukašenki z vytančanym mieniu pačaŭsia a 14‑j hadzinie i doŭžyŭsia paŭtary hadziny.

Paśla hetaha razmova praciahnułasia ŭ pracoŭnym kabiniecie prezidenta Rasii. Ahułam sustreča sajuźnikaŭ pa napadzie na Ukrainu praciahvałasia piać hadzin.

Kamientary da artykuła