Syrski zajaviŭ, što častka rasijan na Dabrapolskim kirunku trapiła ŭ akružeńnie
Hałoŭnakamandujučy Uzbrojenych sił Ukrainy Alaksandr Syrski paviedamiŭ, što ŭ rajonie horada Dabrapolle ŭ Danieckaj vobłaści ŭkrainskija vojski zdoleli akružyć častku rasijskich padraździaleńniaŭ, jakija sprabavali prasunucca na hetym napramku.
Hałoŭnakamandujučy USU Alaksandr Syrski (u centry). Fota: CinCAFofUkraine / Factbook
Pavodle jahonych słoŭ, heta stała mahčymym dziakujučy «jasna spłanavanym i advažnym dziejańniam našych vojsk».
Syrski paviedamiŭ, što ahulnyja straty rasijskich vojskaŭ na hetym učastku frontu skłali 3185 čałaviek, ź jakich 1769 — niezvarotnyja. Akramia taho, byli źniščany 969 adzinak uzbrajeńnia i vajskovaj techniki.
Syrski adznačaje, što z pačatku kontrnastupalnaj apieracyi (jaje dakładny termin u paviedamleńni nie ŭdakładniajecca) było vyzvalena kala 175 kv. km terytoryi, jašče amal 195 kv. km ačyščana ad dyviersijnych hrup.