Brend, što robić aŭto dla Pucina, pryvioz u Biełaruś na vystavu kalekcyju adzieńnia, abutku i sumak
Kalekcyja adzieńnia, abutku i sumak pad brendam Aurus pradstaŭlena na vystavie «Innapram. Biełaruś» u Minsku. Ceny — jak na aŭto.
Pad brendam Aurus Cashmere na vystavie pakazana mužčynskaja kalekcyja spartyŭnaha i casual-adzieńnia.
Sumki i abutak zrobleny z naturalnaj skury. Na adzieńni možna zaŭvažyć firmiennuju furnituru Aurus.
Pavodle infarmacyi z katałoha, ceny na sumki vahajucca ad 400 tys. da 2,6 młn rasijskich rubloŭ (ad 4,8 tysiač dalaraŭ da 31 tysiačy).
Mižnarodnaja vystava «INAPRAM. Biełaruś» prachodzić u Minsku z 29 vieraśnia pa 1 kastryčnika. U joj prymajuć udzieł kampanii ź Biełarusi, Rasii, Kazachstana, Uźbiekistana i Kyrhyzstana.