U Viciebsku byŭ pažar va ŭniviersiteckaj biblijatecy
Dniom 29 vieraśnia ŭ Viciebsku było zafiksavana zadymleńnie ŭ biblijatecy Viciebskaha dziaržaŭnaha univiersiteta imia Piatra Mašerava, paviedamlaje MNS.
Skrynšot ź videa
Na vyklik nieadkładna byli nakiravanyja 8 adzinak techniki i adpaviednyja padraździaleńni MNS.
Paśla prybyćci ich na miesca vyśvietliłasia, što zaharańnie adbyłosia ŭ suviazi ź niepaładkami elektryčnaj lampy ŭ pamiaškańni biblijateki. Jaho da taho času ŭžo likvidavaŭ supracoŭnik univiersiteta pry dapamozie vohnietušyciela.
U vyniku zdareńnia nichto nie paciarpieŭ, a evakuacyja supracoŭnikaŭ i naviedvalnikaŭ nie spatrebiłasia.