U vyniku ŭdaru pa Sumščynie zahinuła siamja z dvuma małymi dziećmi
Dvoje darosłych i dvoje malich dziaciej zahinuli ŭ vyniku rasijskaha ŭdaru bieśpiłotnikam pa žyłym domie ŭ vioscy Čarnieččyna na Sumščynie ŭnačy 30 vieraśnia, paviedamiŭ načalnik Abłasnoj vajennaj administracyi Aleh Hryhoraŭ u svaim telehram-kanale.
«Hetaj nočču vorah prycelna ŭdaryŭ udarnym bieśpiłotnikam pa žyłym domie ŭ vioscy Čarnieččyna Krasnapolskaj hramady. U hetym domie pražyvała siamiejnaja para z dvuma małymi dziećmi. Na žal, uratavacca nie zdoleŭ nichto», — napisaŭ jon.
Jon dadaŭ, što ratavalniki dastali z-pad zavałaŭ čatyroch zahinułych — baćkoŭ i ichnich synoŭ 6 i 4 hadoŭ.