U Biełarusi stali vypuskać Z-kardon

U minułym hodzie Biełaruś impartavała amal 360 tysiač ton celułozy, što dazvoliła značna pavialičyć vytvorčaść papiery i kardonu, amal udvaja, paviedamiła BiełTA so spasyłkaj na časopis «Ekonomika Biełarusi».

Fota ilustracyjnaje

Siarod važnych navinak — ustanoŭka novaha abstalavańnia na filijale «Papiarovaja fabryka «Čyrvonaja zorka» (Śvietłahorski CKK) dla vytvorčaści papiarovych miaškoŭ z polietylenavym układyšam.

Papiarovaja fabryka «Spartak» zapuściła vysokachutkasnuju liniju ratacyjnaj vysiečki i liniju dla vytvorčaści čatyrochkłapanavych skrynak ź fleksahrafičnym drukam. Pačali vypuskać papiarovyja ručniki i survetki V-składańnia, dvuch– i trochsłojnuju tualetnuju papieru, kuchonnyja ručniki.

Akramia taho, Słonimski kardonna-papiarovy zavod «Albiercin» ciapier vypuskaje Z-kardon, jaki vykarystoŭvajuć mebleviki dla ŭpakoŭki pradukcyi. Raniej jon zakuplaŭsia za miažoj.

Kamientary da artykuła