Stralanina i vybuchi na poŭnačy Miunchiena: adzin zahinuŭ, adzin paranieny
Palicyja i pažarnyja pravodziać śpiecapieracyju z-za sieryi vybuchaŭ i stralaniny ŭ rajonie Lerchenaŭ na poŭnačy Miunchiena. Viadoma, što adzin čałaviek zahinuŭ, adzin paranieny ŭ vyniku stralby.
U paviedamleńni miunchienskaj palicyi ŭ sacsietcy X adznačajecca: «My pravodzim apieracyju ŭ rajonie Lerchenaŭ razam z pažarnaj słužbaj. Mohuć być značnyja pieraboi z transpartam. Paźbiahajcie hetaha rajona».
Pavodle BILD, na miescy zdareńnia było znojdziena cieła mužčyny i byŭ čałaviek z ahniastrelnymi ranami.
Na miescy pracujuć sapiory. Dakładnyja abstaviny zdareńnia zastajucca nieviadomymi.
Paźniej BILD paviedamiŭ, što mužčyna, mahčyma, zakłaŭ vybuchoŭku ŭ domie svaich baćkoŭ, padpaliŭ jaho, a zatym skončyŭ žyćcio samahubstvam. Akramia taho, byŭ vyjaŭleny jašče adzin čałaviek z ahniastrelnymi ranami.