Bajcy Pałka Kalinoŭskaha pakazali, jak dziakujučy ŭzajemavyručcy vyžyli paśla ŭdaraŭ rasijskich FPV-dronaŭ u ich «Chamvi»
U žniŭni rasijskaja prapahanda zajaviła pra źniščeńnie amierykanskaha «Chamvi» z bajcami Pałka Kastusia Kalinoŭskaha i hibiel usiaho ekipaža. Ciapier źjaviłasia videa taho, što nasamreč tady adbyłosia.
Kalinoŭcy apublikavali ŭ svaim jutub-kanale 18‑chvilinnyja dakumientalnyja zdymki dramatyčnych padziej 20 žniŭnia hetaha hoda. Rasijskaja prapahanda tady paśpiašałasia abviaścić pra hibiel biełaruskich vajaroŭ u toj mašynie. Ale tyja, choć i byli paranienyja, zmahli ŭratavacca.
«Usie žyvyja, prachodziać lačeńnie i nieŭzabavie viernucca da vykanańnia bajavych zadač», — paviedamlaje Połk, ale dadaje, što ŭ vyniku FPV-ataki ŭsia amunicyja bajcoŭ i abstalavańnie byli mocna paškodžany.