Žančyna stała rychtavacca da Novaha hoda mocna zahadzia, i z hetaha skarystalisia machlary
Da zimovych śviataŭ jašče try miesiacy, ale niekatoryja ŭžo pačynajuć rychtavacca da Novaha hoda. 21 vieraśnia 37‑hadovaja žycharka Hrodna znajšła ŭ instahramie kramu ELITNYE_ELKI, jakaja prapanoŭvała navahodnija jalinki pa vyhadnych cenach.
Žančyna pahadziłasia zapłacić 530 rubloŭ za štučnuju jalinku, ale ŭ pryznačany termin tavar joj nie pryjšoŭ, a na paviedamleńni nichto nie adkazvaŭ. Tady jana źviarnułasia ŭ milicyju, dzie pa fakcie machlarstva raspačali kryminalnuju spravu.
Instahram-akaŭnt machlaroŭ užo zabłakavany, adnak ničoha nie zaminaje im stvaryć novyja padobnyja staronki. Časta złamyśniki stvarajuć kopii realnych kram, źmianiajučy abo dadajučy adzin simvał u naźvie.
Čytajcie taksama:
Žychary Bresta ŭžo pastavili i ŭpryhožyli vysokuju navahodniuju jołku
Stała viadoma, jakija dni ŭ biełarusaŭ buduć vychadnymi na navahodnija śviaty