U Jakucku zabityja ŭdava i mały syn miascovaha palityka, jaki zahinuŭ va Ukrainie — padazrajuć 16‑hadovuju dačku
Na miescy złačynstva znajšli akryvaŭlenyja nož i małatok.
Fota: Baza
U Jakucku (Rasija) ŭ svajoj kvatery zabity ŭdava i syn miascovaha palityka Savy Michajłava — padazravanaj moža być niepaŭnaletniaja dačka, paviedamlaje Baza.
Napiaredadni ŭ kvatery doma ŭ 202‑m mikrarajonie Jakucka byli znojdzieny cieły 40‑hadovaj Valeryi i jaje 11‑hadovaha syna. Heta siamja hramadskaha dziejača, byłoha namieśnika staršyni jakuckaha Dziaržkamiteta pa zaniataści nasielnictva i ŭdzielnika vajny va Ukrainie Savy Michajłava, jaki pamior u špitali ŭ 2023 hodzie.
Skrynšot videa
Da złačynstva moža być datyčnaja ich 16‑hadovaja dačka. Zaraz śledčyja praciahvajuć pracu ź joj. Ź miesca złačynstva byli zabranyja małatok i nož.