Zimbabve budzie padavać u sud na Litvu za kanfiskacyju biełaruskich pažarnych mašyn
Zimbabve maje namier padać u sud na ŭrad Litvy i damahacca kampiensacyi za 17 pažarnych mašyn, jakija byli zatrymanyja ŭ Kłajpiedzie ŭ 2023 hodzie. Mašyny nakiroŭvalisia ź Biełarusi ŭ Zimbabve, ale litoŭskija ŭłady kanfiskavali ich, bo vyrabiła techniku kampanija, jakaja trapiła pad sankcyi. Paźniej mašyny vystavili na aŭkcyjon.
Fota ilustracyjnaje
Hienprakurorka Zimbabve Virdžynija Mabiza zajaviła, što paśla zaviaršeńnia rasśledavańnia ŭ Litvie jak kraina atrymała mahčymaść padać hramadzianski isk ab kampiensacyi. Čynoŭnica padkreśliła, što Litva parušyła prava ŭłasnaści, kanfiskavaŭšy techniku biez dokazaŭ suviazi Zimbabve z padsankcyjnymi kampanijami.
Zimbabve ličyć siabie dobrasumlennym pakupnikom i zakonnym ułaśnikam mašyn, nabytych prazrysta dla dziaržaŭnych patreb. Kali hramadzianski isk nie budzie zadavoleny, kraina moža źviarnucca ŭ mižnarodnyja instancyi — u tym liku ŭ Jeŭrapiejski sud pa pravach čałavieka, Suśvietnuju handlovuju arhanizacyju ci navat u AAN.
Taksama ŭrad Zimbabve zaraz pierahladaje pracedury zakupak, kab nadalej paźbiahać ryzyki, źviazanaj z sankcyjami.
Čytajcie taksama:
U Zimbabve admovilisia ad zakupu pažarnych mašyn u Biełarusi