Rasija ŭdaryła nočču pa dzieviaci abłaściach Ukrainy
U noč na 5 kastryčnika Rasija naniesła pa terytoryi Ukrainy maštabny kambinavany ŭdar, zapuściŭšy bolš za 50 rakiet i kala 500 udarnych bieśpiłotnikaŭ. Pra heta paviedamiŭ prezident Ukrainy Uładzimir Zialenski ŭ fejsbuku.
Pad atakaj apynulisia Lvoŭskaja, Ivana-Frankoŭskaja, Zaparožskaja, Čarnihaŭskaja, Sumskaja, Charkaŭskaja, Chiersonskaja, Adeskaja i Kiravahradskaja vobłaści.
Pavodle papiarednich źviestak, zahinuli piać čałaviek, jašče dziesiać atrymali ranieńni. Asabliva ciažkija nastupstvy ŭdary mieli na Lvoŭščynie, dzie ŭ vyniku traplańnia rakiet i bieśpiłotnikaŭ zahinuli čatyry čałavieki.
Zialenski padkreśliŭ, što rasijskija vojski metanakiravana bili pa infrastruktury, jakaja zabiaśpiečvaje žyćcio mirnych hramadzian. Jon źviarnuŭsia da mižnarodnych partnioraŭ z zaklikam pavialičyć dapamohu i ŭmacavać supraćpavietranuju abaronu Ukrainy.