U Minsku ŭžo amal uźviali karkas novaha Histaryčnaha muzieja
Jaho budujuć na miescy Drymłenda.
Fota tut i dalej Minskbud
Na budaŭnictvie Nacyjanalnaha histaryčnaha muzieja zaviaršajecca ŭźviadzieńnie karkasa budynka, idzie ŭciapleńnie fasadu. Na paŭdniovym baku ŭžo pačalisia dachavyja raboty, paviedamlaje Minskbud.
Da kanca hetaha miesiaca budaŭniki płanujuć prystupić da mantažu vitražnych sistem (kab zakryć kontur pieršych troch pavierchaŭ) i ŭładkavańnia vientylavanaha fasadu.
Pa słovach načalnika ŭčastka hienpadradnaha BU-7 budaŭničaha tresta № 4 Dźmitryja Charytonava, unutry budynka pracujuć mulary i tynkoŭščyki, viaducca čarnavyja elektramantažnyja i santechničnyja raboty, vykonvajucca ściažki padłoh. U kastryčniku płanujecca zmanciravać taksama ŭsie try eskałatary.
Na abjekcie zaraz zadziejničana 320 čałaviek i čatyry viežavyja krany.