Da «ekstremisckich farmavańniaŭ» zaličyli kanał Sandӓr

Ministerstva ŭnutranych spraŭ uklučyła ŭ śpis tak zvanych «ekstremisckich farmiravańniaŭ» novuju pazicyju — telehram-kanał Sandӓr. Takoje rašeńnie było pryniata 6 kastryčnika 2025 hoda, piša «Viasna».

Jak paviedamlaje MUS, hrupa ludziej, jakaja z 2023 hoda dziejničała pad nazvaj Sandӓr, nibyta ŭzhodniena i sumiesna zajmałasia «ekstremisckaj dziejnaściu».

U hetym kantekście zhadvajucca dva čałavieki: 19‑hadovy Usievaład Mačekin i 18‑hadovy Uładzisłaŭ Butviankoŭ. U śpis taksama trapili čat «Ezotieričieskaja obŝiestviennosť 2.0» i łahatyp — šmatkolernaja vyjava z nadpisam Sandӓr.

Pa paznačanym adrasie kanał užo niedastupny.

Kamientary da artykuła