Mytniki pierachapili hruz kantrabandy: ad makbukaŭ da bieśpiłotnikaŭ i vintovak
Mytny kamitet paviedamiŭ ab pierachopie bujnoj partyi kantrabandy na biełaruska-rasijskaj miažy.
Apieratyŭnaja mytnia spyniła Mercedes-Benz, u hruzavym adsieku jakoha znachodziłasia 15 tysiač adzinak tavaraŭ. Siarod ich — makbuki, składniki BPŁA, pnieŭmatyčnyja vintoŭki i aptyčnyja pryceły da ich, kampjutarnaja, bytavaja i budaŭničaja technika.
«Dakumienty na ŭvieś tavar, pradstaŭlenyja kiroŭcam biełaruskaha pieravozčyka dla mytnaha kantrolu, akazalisia niesapraŭdnymi», — paviedamili ŭ DMK.
U mytni ličać, što hruz na terytoryju JEAES byŭ uviezieny biez dekłaravańnia. Mytniki ciapier źbirajuć dokazy hetaha. U dačynieńni da pieravozčyka raspačaty administracyjny praces.
Fota tut i dalej — Mytny kamitet