U Minenierha paabiacali dać biełarusam mahčymaść vybirać pastaŭščykoŭ enierhii
Ministr enierhietyki Biełarusi Dzianis Maroz paviedamiŭ, što nieŭzabavie biełarusy zmohuć vybirać pastaŭščykoŭ elektraenierhii z bolš vyhadnaj canoj.
Zdymak ilustracyjny. Fota: LookByMedia
Ciapier, pavodle słoŭ čynoŭnika, zaviaršajecca praca nad stvareńniem ahulnaha rynku elektraenierhii Biełarusi i Rasii. Abjadnańnie enierharynku daść mahčymaść stvaryć adzinuju sistemu z ahulnymi praviłami jaje funkcyjanavańnia.
Paśla zapusku hetaha rynku i biełaruskija, i rasijskija spažyŭcy nibyta zmohuć vybirać, u kaho nabyvać elektraenierhiju.
«Spažyŭcy atrymajuć mahčymaść vybirać pastaŭščykoŭ, jakija prapanujuć bolš zručnyja ŭmovy i vyhadnyja ceny», — adznačyŭ kiraŭnik Minenierha.
Čytajcie taksama:
Biełaruskaja AES vyrabiła 50 młrd kVt·h elektraenierhii
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
Pryčynaj enierhietyčnaha kałapsu ŭ Mazyry staŭ bieśpiłotnik, jaki zalacieŭ u Biełaruś