Vyjšła kniha «Vietračok» Danuty Bičel
Vydaviec Raman Cymbieraŭ praciahvaje vydavać navinki ŭ miežach sieryi knih dla dziaciej «Vietračok», jakuju zapačatkavaŭ letam 2025 hodu. Ciapier sieryja papoŭniłasia zbornikam vybranych dziciačych vieršaŭ Danuty Bičel, piša Bellit.info.
U knihu «Radzima» starejšyny biełaruskaj litaratury Danuty Bičel uklučany najlepšyja dziciačyja vieršy, napisanyja paetkaj na praciahu apošnich dziesiacihodździaŭ.
«Tvory ŭznaŭlajuć pierad junym čytačom cikavostki navakolnaha śvietu i pryhažość našaj movy», havorycca ŭ anatacyi da vydańnia.
Zbornik «Radzima» Danuty Bičel prailustravany mastačkaj Alaksandraj Adamovič.
Vydańni sieryi «Vietračok», u tym liku navinku, moža nabyć u «Akademičnaj knizie», u kramie ŭ HC «Kupałaŭski» pad Kastryčnickaj płoščaj (ralety 41-42, čas pracy z pn pa pt z 11 da 18.30, sb z 11 da 17, ndz z 11 da 16), a taksama praz sajt Kniger.by.