Pucin sustreŭsia z Alijevym i apraŭdvaŭsia za źbićcio samalota azierbajdžanskich avijalinij
Pryčyna avijakatastrofy samalota AZAL — ukrainski bieśpiłotnik. Uładzimir Pucin zajaviŭ pra heta ŭ Dušanbe Ilchamu Alijevu.
— Rasija ŭ dzień trahiedyi z samalotam AZAL «viała» try ŭkrainskija bieśpiłotniki, jakija pierasiekli miažu RF.
«Rasija, zhodna z damoŭlenaściami, akazvaje ŭsialakaje sadziejničańnie śledstvu ŭ suviazi z krušeńniem samalota Azierbajdžana. Dźvie rakiety, jakija byli vypuščanyja sistemaj SPA Rasii, nie parazili samalot AZAL napramuju, a vybuchnuli za niekalki mietraŭ», — zajaviŭ Pucin.
Katastrofa adbyłasia 25 śniežnia 2024 hoda — Embraer E190, jaki nakiroŭvaŭsia ŭ Hrozny, paciarpieŭ krušeńnie ŭ rajonie kazachstanskaha Aktau.
Zahinuli 38 čałaviek, jašče 29 vyžyli. Prezident Azierbajdžana Ilcham Alijeŭ abvinavaciŭ u tym, što adbyłosia, rasijski bok. Paźniej Uładzimir Pucin paprasiŭ prabačeńnia za incydent, jaki adbyŭsia ŭ rasijskaj pavietranaj prastory.
1 lipienia azierbajdžanskija ŚMI apublikavali tłumačalnuju zapisku rasijskaha kapitana SPA ab zahadzie źbić samalot AZAL.