Jašče adzin bank źniziŭ staŭki pa kredytach na novabudoŭli

Z 10 kastryčnika Bielinviestbank źnižaje staŭku pa kredycie na novabudoŭli.

Fota: Realt.by

Z 10 kastryčnika Bielinviestbank źnižaje staŭku pa kredycie na novabudoŭli. Na heta źviarnuŭ uvahu Realt.

Tak, z 10 kastryčnika zamiest 15,5% hadavych staŭka źnizicca da 14,9%. Pačatkovy ŭznos — ad 10%, pry hetym kredytujuć na 10 abo ad 15 da 20 hadoŭ.

Nahadajem, z 1 kastryčnika staŭki pa kredytach na budaŭnictva i nabyćcio žylla na miesiac źniziŭ Biełarusbank.

Jak adznačajuć analityki Realt, u Bielinviestbanku kaeficyjent płaciežazdolnaści — 0,9%, a ŭ Biełarusbanku hety pakazčyk — 0,7%. Heta aznačaje, što pry adnolkavym dachodzie suma kredytu ŭ Bielinviestbanku budzie vyšejšaj.

Pavodle mierkavańnia ekśpierta pa žyłoj nieruchomaści Natalli Litoŭskaj, nie vyklučana, što na fonie źnižeńnia stavak novabudoŭli buduć vymušanyja daražeć.

Kamientary da artykuła