La Instytuta kultury źnieśli saviecki dvuchpaviarchovik. Zakazčykam vystupiła Akademija nacyjanalnaj biaśpieki
Za dva kroki ad stancyi mietro «Instytut kultury» ŭ Minsku źnieśli dvuchpaviarchovy budynak — askiepak savieckaj epochi, što dažyŭ da našych dzion.
Jaho pabudavali ŭ 60‑ch hadach i adrazu vykarystoŭvali jak Dom bytu. U svoj čas zbudavańnie pablizu ažyŭlenaj vuł. Maskoŭskaj pieradali pad kamiercyjnyja patreby i drobny biznes, a paźniej i zusim prysudzili da znosu, piša Onliner.by.
Epičny demantaž dvuchpaviarchovika trapiŭ u abjektyŭ kamiery.
Kali vieryć pašpartu abjekta, zakazčykam rabot na hetym učastku ziamli vystupaje Akademija nacyjanalnaj biaśpieki Biełarusi.
Učora ekskavatar budaŭničaha ŭpraŭleńnia №16 «Budaŭničaha tresta №1» zraŭniaŭ dvuchpaviarchovik u styli savieckaha nieakłasicyzmu ź ziamloj.
Da kanca kastryčnika hety ŭčastak całkam padrychtujuć pad budaŭnictva novaha administracyjna-haspadarčaha budynka. Paśla znosu zakazčyk abvieścić tendar, u chodzie jakoha stanie viadoma, chto pabuduje novy abjekt na karcie Kastryčnickaha rajona.
Jakim jon budzie, pakul zastajecca zahadkaj.