Hadavaja inflacyja krychu źniziłasia
Pa vynikach vieraśnia hetaha hoda hadavaja inflacyja ŭ Biełarusi źniziłasia da 7,1%. U červieni jana dasiahała 7,3%, u lipieni — 7,4%, a ŭ žniŭni — 7,2%. Pra heta śviedčać źviestki Biełstata.
U paraŭnańni sa žniŭniem indeks spažyvieckich cen skłaŭ 100,5%, a ź śniežniem 2024 hoda — 105,8%.
Za hod bolš za ŭsio vyraśli ceny na pradukty — na 9,8%. Za miesiac jany pavialičylisia na 0,5%. Pa vynikach žniŭnia hadavy rost składaŭ 9,9%.
Hadavaja inflacyja pa niepraduktovych tavarach akazałasia na ŭzroŭni 2,9%. Pa vynikach žniŭnia jana była 3,2%. Za miesiac ceny vyraśli na 0,2%, jak i ŭ žniŭni.
Pa pasłuhach hadavy rost cen skłaŭ 7,9% suprać 7,7% miesiacam raniej. Za miesiac ceny pavialičylisia na 0,6%.