Avijakampanija ŭviadzie płatu za mahčymaść adkinuć śpinku kresła
Kanadski łoŭkoster WestJet vyrašyŭ brać z pasažyraŭ dadatkovuju płatu za toje, što raniej ličyłasia bazavym kamfortam, piša BILD.
WestJet ŭvodzić novuju schiemu pasadačnych miescaŭ, jakaja ŭžo vyklikała chvalu krytyki.
U samalotach źjaviacca try kłasy kamfortu: 12 «premium-kresłaŭ» z rehulavanaj śpinkaj i padhałoŭnikam, za jakija daviadziecca płacić asobna, 36 miescaŭ z krychu bolšaj zonaj dla noh, ale biez mahčymaści adchilić śpinku i standartnaja ekanom-zona — biez prastory i biez rehulavańnia.
Pradstaŭnica kampanii Samanta Tejłar zajaviła, što novaja kabina «stvorana z kłopatam pra kožny biudžet» i prapanuje «sučasny vopyt palotu».
«Fantazija avijakampanij nie pierastaje mianie ździŭlać: jany niejkim čynam stvarajuć u ludziej uražańnie, što tyja atrymlivajuć bolš, pierapłačvajučy. Ale ciapier situacyja vyhladaje tak: vy płacicie bolš, kab atrymać toje, što ŭ vas užo jość», — prakamientavaŭ hetaje rašeńnie prafiesar avijacyi va Univiersitecie Makhiła Džon Hradek.
WestJet — nie pieršaja kampanija, jakaja ekanomić na śpinkach kresłaŭ. U Jeŭropie mnohija łoŭkostery, uklučajučy Ryanair i EasyJet, užo ŭstalavali kresły biez rehulavańnia.