U Mahiloŭskim rajonie mužčyna abakraŭ carkvu
U ahraharadku Daškaŭka (Mahiloŭski rajon) z chrama była skradziena karobka z achviaravańniami i manietnica — hrošaj tam było ahułam bolš za 2000 rubloŭ.
Złačyncam akazaŭsia 45‑hadovy miascovy žychar, jaki raniej byŭ sudzimy i aficyjna nidzie nie pracuje.
Nočču jon pa leśvicy zalez na zvanicu, adkul, złamaŭšy rašotku, pranik u carkvu. Zabraŭ hrošy, i źnik tym ža šlacham.
Niekalki dzion mužčyna traciŭ skradzienyja hrošy na pradukty i ałkahol. Častku hrošaj znajšli ŭ jaho doma i viernuć chramu. Zaviedziena kryminalnaja sprava.