Zaviaršajecca budoŭla na Vałhahradskaj. Jak tam usio vyhladaje ciapier
U stalicy nabližajecca da zaviaršeńnia maštabnaje budaŭnictva ŭ miežach vulic Łahojski trakt — Vałhahradskaja — Knoryna — Sievastopalskaja. Na miescy źniesienych u 2021 hodzie dvuchpaviarchovych damoŭ i niekalkich pryvatnych katedžaŭ zabudoŭščyk MAPID uźvioŭ piać novych šmatkvaternych damoŭ.
«Minskbud» pakazaŭ papiarednija vyniki budaŭničych rabot u miežach Łahojskaha trakta — Vałhahradskaj — Knoryna — Sievastopalskaj, piša Realt.
U 2021 hodzie ŭ rajonie Vałhahradskaj byli źniesieny dvuchpaviarchoviki i niekalki pryvatnych damoŭ. Terytoryju padrychtavali pad piać vyšynnych damoŭ dla UKS Centralnaha rajona: čatyry panelnyja šasnaccacipaviarchoviki i adzin dziesiacipaviarchovik.
Ciapier zaviaršajucca azdobnyja raboty na domie № 1. Paralelna viadziecca dobraŭparadkavańnie dvaroŭ.
Tut užo jość dziciačyja placoŭki, vuličnyja trenažory, zony dla adpačynku. Možna zaŭvažyć i stancyju dla ramontu i absłuhoŭvańnia rovaraŭ z mahčymaściu padpampoŭki kołaŭ i pravierki cisku ŭ kamierach. Takoje zabudoŭščyk ustanaŭlivaje ŭpieršyniu.
Kvatery zdajucca z azdableńniem. Žyllo raźmiarkoŭvajuć siarod tych, chto staić u čarzie, u asnoŭnym — šmatdzietnym siemjam.