Dziaŭčyna z Bresta duryła mužčyn, prykryvajučysia milicejskaj formaj
Milicyja zatrymała 25‑hadovuju žycharku Bresta, jakaja praz tyktok vymańvała hrošy ŭ mužčyn. Jak paviedamili ŭ pres-słužbie UUS Minskaha abłvykankama, dziaŭčyna pracavała pad lehiendaj, što pracuje ŭ orhanach unutranych spraŭ — publikavała fota i videa ŭ milicejskaj formie, jakuju niedzie zdabyła, i pradstaŭlałasia supracoŭnicaj AUS.
Pad hetym prykryćciom dziaŭčyna znajomiłasia z mužčynami i «brała ŭ doŭh» hrošy, nie źbirajučysia ich viartać. Kab jaje ciažej było znajści, machlarka karystałasia psieŭdanimam, u ankiecie ž paznačyła, što jana nibyta dačka vieterana Uzbrojenych Sił Biełarusi, i navat raźmiaščała jaho fota.
Machlarka časta źmianiała miesca žycharstva, pierajazdžajučy z vobłaści ŭ vobłaść i žyvučy na zdymnych kvaterach. Znajści i spynić jaje dziejnaść udałosia supracoŭnikam adździeła pa baraćbie z kibierzłačynnaściu z Hrodna.
Bieraściejku zatrymali; raniej jana ŭžo była sudzimaja za kradziež. Ciapier suprać jaje raspačatyja niekalki kryminalnych spraŭ, i joj pahražaje da troch hadoŭ pazbaŭleńnia voli. Śledstva praciahvaje vyśviatlać, kolki ludziej paciarpieła ad jaje dziejańniaŭ.
Čytajcie taksama:
Źjaviŭsia novy vid machlarstva: zaraz telefanujuć ad imia palikliniki
Siamja z pasiołka Lasny straciła nadzieju na kvateru praz školnicu