Biełarus sprabavaŭ nielehalna ŭvieźci z Polščy rarytetnyja hadzińniki i karcinu
Padčas kantrolu na «zialonym kalidory» pamiežnaha punkta ŭ Breście mytniki znajšli ŭ hramadzianina ŭ asabistych rečach karcinu, napisanuju alejnymi farbami ŭ kancy XX stahodździa, dva kaminnyja hadzińniki ź lićcievaha marmuru i miednaha spłavu, a taksama patefon, paviedamiła pres-słužba Dziaržaŭanha mytnaha kamiteta.
Fota: Dziaržaŭny mytny kamitet
Ekśpiertyza paćvierdziła, što karcina i hadzińniki źjaŭlajucca kulturnymi kaštoŭnaściami. Mužčyna, praŭda, śćviardžaŭ, što sam jon vałodaje tolki patefonam, a astatnija rečy jaho paprasiŭ pieravieźci praź miažu nieznajomy čałaviek.
Bresckaja mytnia raspačała administracyjny praces pa častcy 2 artykuła 15.1 KaAP (patajemnaje pieramiaščeńnie tavaraŭ, jakija padlahajuć mytnamu dekłaravańniu, praź miažu JEAES), što moža pryvieści da štrafu da 1 260 rubloŭ i kanfiskacyi niezakonna pieraviezienych rečaŭ.
Čytajcie taksama:
Ukraincy nie dali vyvieźci ź Biełarusi ŭ tajniku vialikuju sumu ŭkrainskich hryŭniaŭ
Ź Biełarusi ŭ Polšču znoŭ možna jechać z cyharetami i ałkaholem
Mytniki pierachapili hruz kantrabandy: ad makbukaŭ da bieśpiłotnikaŭ i vintovak