«Krambambula» anansavała vialiki kancert na 25 Sakavika ŭ Varšavie
Biełaruski hurt «Krambambula» anansavaŭ na 25 sakavika 2026 hoda vialiki kancert u varšaŭskim kłubie «Niebo».
25 sakavika ŭ Varšavie zaasnavany ŭ 2001 hodzie hurt «Krambambula» daść svoj pieršy poŭnafarmatny kancert pad nazvaj «My vyjdziem ščylnymi radami».
«Padčas śviata niezaležnaści i salidarnaści biełarusaŭ my źbiaremsia, kab adznačyć Dzień Voli i razam praśpiavać: «Za volny naš kraj, za kaniec vajny! My partyzany — biełaruskija syny!»
Na scenie prahučyć vialikaja prahrama «Krambambuli» — ad «Karaloŭ rajonu» da «Čyrvonaha štrala», i, viadoma ž, załatyja chity! «Hości», «Turysty» i «Susiedzi» — zaprašajem usich!
«I rychtujcie svaje kuantro i drambuje!» Dobraja enierhija i sapraŭdny biełaruski duch harantavanyja», — havorycca na staroncy hurta ŭ fejsbuku.
Kancert projdzie ŭ kłubie Niebo na Novym Śviacie i pačniecca a 19-j, dźviery buduć adčynienyja z 18:00. Kvitki chutka buduć u prodažy.