Dziaržava zapuściła servis, jaki vyznačaje rynkavy košt kvater u Minsku. Praviercie svaju
Nacyjanalnaje kadastravaje ahienctva zapuściła servis aŭtamatyčnaj acenki rynkavaha koštu kvater Minska. Jon zasnavany na technałohijach štučnaha intelektu.
Ilustracyjnaje fota
Servis pryznačany dapamahčy pakupnikam i pradaŭcam, a taksama prafiesijnym udzielnikam rynku nieruchomaści za niekalki chvilin atrymać aŭtamatyčnuju acenku kvatery, zasnavanuju nie na subjektyŭnych mierkavańniach, a na analizie realnych cen ździełak i faktaraŭ acenki na asnovie danych dziaržaŭnaha infarmacyjnaha resursu — rejestra cen.
U jakaści zychodnych danych ab cenach prodažu byli vykarystany 90 tysiač ździełak kupli-prodažu kvater u Minsku z 2018 hoda, paviedamlaje Nacyjanalnaje kadastravaje ahienctva.
U jakaści faktaraŭ acenki vykarystana bolš za 15 charaktarystyk, uklučajučy infarmacyju ab ździełcy (data), charaktarystyki kvatery (kolkaść pakojaŭ, ahulnaja płošča, materyjał ścien, data ŭvodu, stan kvatery) i łakalizacyi (miescaznachodžańnie, mikrarajon, dastupnaść mietro, prypynkaŭ hramadskaha transpartu, parku, raźmiaščeńnie ŭ sanitarna-achoŭnaj zonie).