Kartež vice-prezidenta ZŠA trapiŭ pad askołki snarada
Padčas vučeńniaŭ marskoj piachoty ŭ Kalifornii vybuchnuŭ snarad, paraniŭšy achovu z kartežu vice-prezidenta ZŠA Džej Dzi Vensa.
Hledačy padčas vučeńniaŭ. Fota: Mario Tama / Getty Images
Na vajskovaj bazie Kemp-Piendłtan u Kalifornii padčas demanstracyjnych strelbaŭ z nahody 250‑hodździa marskoj piachoty adbyŭsia niaščasny vypadak, piša Daily Beast.
Adzin z 155‑milimietrovych snaradaŭ, vypuščanych z haŭbicy M777, zaŭčasna padarvaŭsia nad trasaj Interstate 5 — vialikaj aŭtamahistrallu, što złučaje Łos-Andželes i San-Dyjeha.
Pierad pačatkam mierapryjemstva ŭčastak trasy byŭ časova pierakryty, što vyklikała niezadavalnieńnie aŭtamabilistaŭ. Demanstracyja ŭklučała artyleryjskija załpy, pakazalnyja skački parašutystaŭ, pralot źniščalnikaŭ F-35 i vysadku padraździaleńniaŭ marskich kocikaŭ.
Vice-prezident naziraŭ za tym, što adbyvajecca, asabista i paźniej zajaviŭ žurnalistam, što pakaz «staŭ śviedčańniem siły i niepieramožnaha duchu korpusu». Jon dadaŭ, što sustreča z marskoj piachotaj zrabiła na jaho mocnaje ŭražańnie.
Adnak pradstaŭniki Demakratyčnaj partyi raskrytykavali incydent. Hubiernatar Kalifornii Hevin Ńjusam nazvaŭ stralbu «absurdnym prajaŭleńniem siły» i napisaŭ u sacsietcy X: «Donald Tramp i Džej Dzi Vens ryzykujuć žyćciami ludziej dziela šou».
Paśla padziei Korpus marskoj piachoty nieadkładna prypyniŭ stralby i inicyjavaŭ unutranaje rasśledavańnie.
U aficyjnaj zajavie Pieršaj ekśpiedycyjnaj hrupy adznačajecca, što «ŭsie dziejańni adbyvalisia paśla strohaj acenki biaśpieki», a śpiecyjalisty imknucca vyznačyć dakładnuju pryčynu vybuchu.
Chacia pradstaŭniki administracyi Trampa nastojvajuć, što padobnyja vučeńni źjaŭlajucca rucinnaj praktykaj, vajskoŭcy nie ŭdakładnili, ci pravodzilisia raniej stralby nad ažyŭlenymi aŭtamahistralami.